
સુરતના ગોડાદરા વિસ્તારમાં ઓફિસ શરૂ કરી ઍક-દોઢ મહિનામાં રોકાણના ચાર ગણા આપવાની વિવિધ સ્કીમમાં રોકાણ કરાવી સેંકડો લોકોના લાખો રૂપિયા ઉઘરાવી ફરાર ૯ સ્ટારલાઈફના સંચાલક દંપત્તિ પૈકી પતિની આર્થિક ગુના નિવારણ શાખાઍ ધરપકડ કરી છે.
સુરતના ગોડાદરા વિસ્તારમાં શુભમ રેસિડન્સીની દુકાન નં.૧ થી ૫ માં ૯ સ્ટારલાઈફ નામની સંસ્થાની ઓફિસ શરૂ કરી ગોડાદરા રાજપેલેસ પાસે સુમન સંકલ્પ ઍફ બિલ્ડીંગ ફ્લેટ નં.૩૦૨ માં રહેતો રાજેન્દ્ર કિશન સોનવણે અને તેની પત્ની કવિતા કૈલાશ માળી ઍક-દોઢ મહિનામાં રોકાણના ચાર ગણા આપવાની વિવિધ સ્કીમમાં રોકાણ કરાવી સેંકડો લોકોના લાખો રૂપિયા ઉઘરાવી ફરાર થઈ ગયા હતા. રૂ.૧૨ લાખના દેવામાં ડૂબેલા સેલ્સમેન યુવાન મુકેશ કાશીનાથ બાવીસકર ઍ ૯ સ્ટારલાઈફ શરૂ કરનાર મિત્ર રાજેન્દ્રની વાત માની પરિવાર સહિત ૩૮૪ સભ્યોના રૂ.૪૩.૧૨ લાખ રોક્યા હતા. જોકે, મિત્ર અને તેની પત્ની ફરાર થઈ જતા તેણે આર્થિક ગુના નિવારણ શાખામાં ફરિયાદ નોંધાવતા પોલીસે ગુનો નોંધી તપાસ શરૂ કરી હતી.દરમિયાન, આર્થિક ગુના નિવારણ શાખાઍ ગતરોજ દંપત્તિ પૈકી પતિ રાજેન્દ્ર કિશનભાઇ સોનવણે ની ધરપકડ કરી હતી.હાલ બેકાર રાજેન્દ્રની આર્થિક ગુના નિવારણ શાખા વધુ પુછપરછ કરી રહી છે.