ચૌટાપુલ પાસે લાકડાની વખારમાં ભીષણ આગથી ભાગદોડ, ૩૦ મિનિટમાં ફાયર વિભાગે આગ કાબૂમાં લીધી

ચૌટાપુલ પાસે અલાયાની વાડીમાં ઍક લાકડાની વખારમાં ભીષણ આગ લાગતા ભાગદોડ મચી ગઇ હતી. શુક્રવારની મોડી રાત્રે બનેલા બનાવ બાદ ઍક જાગૃત મહિલાઍ ફાયરને જાણ કરતા ૫ ફાયર સ્ટેશનની ગાડીઓ તાત્કાલિક ઘટના સ્થળે દોડી આવી ચારેય દિશામાંથી પાણીનો મારો ચલાવો આગને ૩૦ મિનિટમાં જ કંટ્રોલ કરવામાં સફળ થયા હતા. જોકે લાકડાની વખારની આગે પ્લાયવુડની ઍક ઍજન્સીને પણ ઝપેટમાં લેતા લાખો રૂપિયાનું લાકડું અને આખો પતરાનો સેડ પણ બળીને ખાખ થઈ ગયો હતો.

લાકડાની વખારમાં આગની માહિતી મળતા તાત્કાલિક ૫ ફાયર સ્ટેશનને ઘટના સ્થળે મોકલી અપાયા હતા. સમય સૂચકતાને લઈ ગણતરીની મિનિટોમાં આગ કાબૂમાં આવી ગઈ હતી. જોકે કુલિંગમાં અઢી કલાકનો સમય લાગી ગયો હતો. મુગલીસરા, નવસારી બજાર, ઘાંચી શેરી, માન દરવાજા અને કતારગામ ફાયર સ્ટેશનના જવાનોની પ્રશંસનીય કામગીરીને લઈ આગને કાબૂમાં લેવામાં સફળ થયા હતા.ફાયર ઓફિસર મહેશ પટેલઍ જણાવ્યું હતું કે ઘટના સ્થળે ધુમાડાની સાથે આગ સામે લડવાનું હતું. લાકડાની વખારને કારણે આગ ઉગ્ર બની રહી હતી. લાકડાનો જથ્થો અને આખો ઍટલે કે ૭૦ પલ્સ ૫૦ નો પતરાનો સેડ બળીને ખાખ થઈ ગયો હતો. આગ ઍટલી હદે ઉગ્ર બની હતી કે વખાર પાછળ આવેલી પ્લાયવુડની ઍક ઍજન્સીને પણ ઝપેટમાં લઈ લીધી હતી. જોકે સમયસર આગ પર કાબૂ મેળવી લીધા બાદ શોર્ટ સર્કિટને લઈ આગ લાગી હોવાનું બહાર આવ્યું હતું.આગની ઘટના નજરે જોનાર હંસાબેન પટેલઍ જણાવ્યું હતું કે સ્વીચ બોર્ડમાં અચાનક ધડાકો થયા બાદ તણખલા ઉડતા જોઈ ડરી ગઈ હતી. બસ પછી તાત્કાલિક ફાયરમાં ફોન કરી જાણ કરી ઍટલામાં તો આગ લાગી ગઈ હતી. જોકે ફાયરની પ્રથમ ગાડી ૫ મિનિટમાં જ આવી જતા આગ સામે લડવાનું શરૂ કરી દેવાયું હતું. આગ કાબૂમાં આવતા રાહતનો શ્વાસ લીધો હતો. ફાયરની કામગીરી નજરે જોયા બાદ લાગ્યું કે આગ સામે લડવું કેટલું મુશ્કેલ છે.