Surat Channel 
મોટા વરાછા કન્સલટન્સીની ઓફિસ ધરાવતા વેપારીને ત્યાં ચાર અજાણ્યાઓઍ પહોંચીને સેન્ટ્રલ બ્યુરોમાંથી આવતા હોવાની ખોટી ઓળખ આપી ૪૫ હજારનો તોડ કર્યાની ફરિયાદ અમરોલી પોલીસમાં નોંધાઈ હતી. પોલીસે ઠગ ટોળકીના ૪ જણાને ઝડપી પાડ્યા હતા.
સરથાણામાં આવેલા અને કન્સલટન્સીનો વ્યવસાય કરતાં નિલકંઠ કોમ્પ્લેક્ષનાં રહીશ કેતન અરવિંદભાઇ ક્યાડાઍ ચાર લોકો સામે અમરોલી ખાતે પોલીસમાં ફરિયાદ નોંધાવી હતી. આ ટોળકીઍ “તમે ડુપ્લીકેટ લાયસન્સ કાઢી આપો છો અને લોકો પાસેથી વધારે પૈસા મેળવો છો અને અમે તમારા ઉપર કેસ કરીશું જેમાં તમને છ મહીના સુધી જામીન નહી મળે” તેવી ધમકી આપી કેતનભાઈ પાસેથી ૪૫ હજાર કઢાવી તોડ કર્યો હતો. જોકે આ ઘટનામાં અમરોલી પોલીસે પ્રકાશ મોહનભાઇ મોલીયા,કાર્તિક ઉર્ફે રાજ વિરેંદ્રભાઇ શેઠ ,ઉદીત કુમારપાળ ભાવસાર તથા હર્ષિત નરેશભાઇ લુખી સહીત ચાર વ્યક્તિ ઓની ધરપકડ કરી છે.
