Surat Channel 
ગોડાદરામાં રહેતા રીક્ષા ચાલકની ધો. ૧૧ માં અભ્યાસ કરતી પુત્રી સાથે કાપડ વેપારીઍ ફેસબુક પર મિત્રતા કેળવી લગ્ન કરવાની લાલચ આપી તેણી સાથે અનેક વખત શરીર સંબંધ બાંધી ગર્ભવતી બનાવ્યા બાદ તરછોડી દેતા ગોડાદરા પોલીસે દુષ્કર્મ અને પોક્સો ઍક્ટ હેઠળ ગુનો નોંધી તપાસ હાથ ધરી છે.
ગોડાદરા વિસ્તારમાં રહેતા પરપ્રાંતિય રીક્ષા ચાલકની ધો. ૧૧ માં અભ્યાસ કરતી પુત્રી વર્ષ ૨૦૨૧ માં ફેસબુક પર ગોડાદરાના શ્રીજી આર્કેડમાં કપડાની દુકાન ધરાવતા અને પાંડેસરા મંગલ પાંડે હોલ નજીક શક્તિ વિજય સોસાયટીમા રહેતો જયસીંગ કમલેશ યાદવ સાથે મિત્રતા થઇ હતી. બંને વચ્ચે નિયમીત વાતચીત અંતર્ગત જયસીંગે સગીરાને લગ્ન કરવાની લાલચ આપી પ્રેમજાળમાં ફસાવી શ્રીજી આર્કેડમાં આવેલા કાફેમાં લઇ જઇ અનેક વખત શરીર સંબંધ બાંધ્યા હતા. ઍપ્રિલ ૨૦૨૨ માં સગીરા ઘરે ઍકલી હતી ત્યારે જયસીંગ તેના ઘરે પહોંચી ગયો હતો અને ત્યાં પણ બંનેઍ શરીર સંબંધ બાંધ્યો હતો. તે દરમિયાનમાં સગીરાને માસિક નહીં આવતા જુલાઇ ૨૦૨૨ માં ડીંડોલીની જેકો સ્પેરો ઓયો હોટલમાં જયસીંગ તેણીને લઇ ગયો હતો.ત્યાં સગીરાઍ પ્રેગનેન્સી ટેસ્ટ કર્યો હતો અને જયસીંગે ગર્ભપાતની ગોળી આપી હતી. ત્યાર બાદ પણ જયસીંગે અનેક વખત તેણી સાથે શરીર સંબંધ બાંધ્યો હતો. પરંતુ સગીરાના માતા-પિતાને જાણ થતા તેમણે જયસીંગના માતા-પિતાને પ્રેમસંબંધની વાત કરી હતી. જયસીંગના માતા-પિતાઍ સગીરા સાથે લગ્ન કરાવવાની લેખિતમાં બાંહેધરી આપી હતી. પરંતુ ત્યાર બાદ જયસીંગે સગીરા સાથે વાત કરવાનું બંધ કરી દેતા મામલો પુનઃ જયસીંગના માતા-પિતા પાસે પહોંચ્યો હતો. પરંતુ તેમણે જયસીંગ અને સગીરાના લગ્ન કરાવવાનો ઇન્કાર કરી તરછોડી દેતા છેવટે સગીરાઍ જયસીંગ કમલેશ યાદવ વિરૂધ્ધ ગોડાદરા પોલીસમાં ફરીયાદ નોંધાવી હતી.પોલીસે ગુનો નોધી તપાસ હાથ ધરી છે.
