બાલાજી રોડ બ્રહ્મકુમારી દ્વારા શિવરાત્રિ નિમિત્તે ત્રિદિવસીય સ્વર્ણિમ સંગીત સંધ્યાનું આયોજન

બાલાજી રોડ સેવા કેન્દ્રમાં કાર્યરત બ્રહ્મકુમારી સંસ્થા દ્વારા અખિલ ગુજરાત શિવજયંતી મહોત્સવ નિમિત્તે શિવ અવતરણથી સ્વર્ણિમ ભારત ત્રિદિવસીય સ્વર્ણિમ સંગીત સંધ્યાનું આયોજન કરવામાં આવ્યું છે. આ કાર્યક્રમમાં ગીત-સંગીત દ્વારા ગીતા જ્ઞાન આપતી આધ્યાત્મિક સંગીત સંધ્યા હશે.

જેમાં સાંસ્કૃતિક કાર્યક્રમની સાથે આત્મદર્શન, પરમાત્મા દર્શન, સ્વર્ગ દર્શનનો સંદેશ આપતું સંગીત સંધ્યાનું આયોજન કરવામાં આવ્યું છે અને ખાસ કરીને આ ત્રણ દિવસ થ્રીડી શો માટે વિશેષ થિયેટર બનાવવામાં આવ્યું છે. શિવ અવતરણ અને કર્તવ્યની ઝાંખી કરાવતો ૧૫ મીનીટનો થ્રીડી શો બતાવવામાં આવશે. આ ત્રણ દિવસના કાર્યક્રમમાં પ્રસિદ્ધ ગાયક બી.કે. અવિનાશ ઉપસ્થિત રહેશે. તા. ૧૦મી ફેબ્રુઆરીથી ૧૨ ફેબ્રુઆરી સુધી બાલાજી ગર્લ્સ સ્કૂલના ગ્રાઉન્ડ ઉપર સંગીત સંધ્યાનું આયોજન કરાયું છે.