
ગેલેરીમાં સાફ-સફાઈ કરતી મહિલાઓ માટે આ ચેતવા જેવો કિસ્સો સામે આવ્યો છે.વહેલી સવારે ડીંડોલી વિસ્તારમાં બિલ્ડિંગમાં ત્રીજા માળે સાફ-સફાઈ કરતી મહિલા ગેલેરીમાંથી નીચે પટકાઈ હતી. જેને લઇ મહિલાનું ઘટના સ્થળે મોત નીપજ્યું છે. સમગ્ર ઘટના સીસીટીવીમાં કેદ થઈ છે. પોલીસે અકસ્માતનો ગુનો નોંધી વધુતપાસ હાથ ધરી છે.
ડીંડોલી વિસ્તારમાં આવેલા ઉમિયા નગરમાં ૪૦ વર્ષની મહિલા ભારતીબેન પટેલ અને તેમને પરિવાર રહે છે.મંગળવારે સવારે ભારતીબેન ત્રીજા માળની ગેલેરીમાંથી અચાનક નીચે પટકાયા હતા. જેમાં ભારતીબેનનું ઘટના સ્થળે મોત નિપજ્યું હતું.બાલ્કનીમાં સાફ-સફાઈ કરતા કરતા અચાનક સંતુલન ગુમાવતા બાલ્કનીમાંથી નીચે પટકાયા હતા. આ સમગ્ર ઘટના ફ્લેટના ર્પાકિંગમાં લગાવવામાં આવેલા સીસીટીમાં કેદ થઈ ગઈ હતી. જ્યાં ભારતીબેન અચાનક નીચે પટકાઈ હોવાનું જોવા મળ્યું હતું. ભારતીબેન ત્રીજા માળેથી પટકાતા સોસાયટીમાં અરેરાટી ફેલાઈ ગઈ હતી અને ફ્લેટમાંથી તમામ લોકો ભેગા થઈ ગયા હતા.આ ઘટના અંગે ડીંડોલી પોલીસને જાણ કરવામાં આવતા પોલીસ ઘટના સ્થળ દોડી આવી તપાસ કરી હતી. ભારતીબેના મૃતદેહને પોસ્ટમોર્ટમ માટે સિવિલ હોસ્પિટલ મોકલી આપવામાં આવ્યો હતો. ઘટના અંગે પોલીસે અકસ્માત મોતનો ગુનો નોધી વધુ તપાસ હાથ ધરી છે. પોલીસે તપાસમાં અંગે પરિવાર દ્વારા જણાવવામાં આવ્યું હતું કે વહેલી સવારે ભારતીબેન ફ્લેટમાં બાલકનીમાં સાફ-સફાઈ કરતા હતા. આ દરમિયાન બહારની તરફ સાફ-સફાઈ કરતી વખતે અચાનક સંતુલન ગુમાવતા તેઓ ત્રીજા માળેથી નીચે પટકાયા હતા. આકસ્મિક બનેવી ઘટનામાં ભારતીબેનનું મોત નીપજતા પરિવારમાં શોકનું મોજું ફરી વળ્યું છે. જોકે ઘટના અંગે પરિવારનો સંપર્ક કરી પૂછવામાં આવતા તેમણે આ અંગે કંઈ જ કહેવાનો ઇનકાર કરી દીધો હતો.