
સુરતના કાપોદ્રા વિસ્તારમાં ગતરોજ હીરા કારખાના માંથી ૪૮ લાખના હીરાની ચોરીની ઘટના બનવા પામી હતી.આ અંગે કારખાનેદારે પોલીસ ફરિયાદ કરતા પોલીસની અલગ અલગ ટીમોઍ તપાસનો ધમધમાટ શરૂ કર્યો હતો અને આ ચોરીનો ભેદ સુરત ક્રાઇમબ્રાંચ પોલીસે ગણતરીના કલાકોમા ઉકેલી કાઢી ત્રણ આરોપીઓને ઝડપી પાડયા છે અને તેઓ પાસેથી ચોરીનો તમામ મુદ્દામાલ કબજે કરવામાં આવ્યો છે.
કાપોદ્રા વિસ્તારમા મોહનનગરમા આવેલ સંત-આશીષ ડાયમંડ નામના કારખાના માથી કોઇ અજાણ્યો ચોર ઇસમ સવારના અર્સમાં કારખાનામાં પાછળના ભાગેથી અંદર પ્રવેશ કરી ઍસિડમા બોઇલ કરવા મુકેલ ૪૮,૮૬ લાખ ની મત્તાના હીરા ચોરી કરી નાસી છૂટયો હતો. જે બાબતે કારખાનેદાર ધુલાભાઈને જાણ થતાં તેઓઍ કાપોદ્રા પોલીસ મથકે ચોરીની ફરિયાદ નોંધાવી હતી. ચોરીની ઘટના બનતા સ્થાનિક પોલીસ સહિત ઉચ્ચ પોલીસ અધિકારીઓનું કાફલો કારખાના પર પહોંચ્યો હતો અને સીસીટીવી ફૂટેજને આધારે તપાસનું ધમધમાટ શરૂ કર્યો હતો.આ ચોરીનો ગુનો ઉકેલી કાઢવા માટે પોલીસની અલગ અલગ ટીમો બનાવવામાં આવી હતી. જ્યા ક્રાઈમ બ્રાન્ચની ટીમને મલેલી બાતમીના આધારે અમરોલી વરીયાવ ટી-પોઇન્ટ પાસેથી આ ચોરીના ગુનામાં સંડોવાયેલા ત્રણેય આરોપીઓને ઝડપી પાડ્યા હતા.પોલીસે દિપક અચ્છેલાલ માલી,ચન્દ્રેશ મુળજીભાઇ ચોવટીયા અને સુનિલ ઉર્ફે સરકાર રતનભાઇ ડાયમાને રામનગર સોસાયટી અમરોલી પાસેથી ચોરીના તમામ હીરાના મુદ્દામાલ સાથે પકડી ઝડપી પાડી ગણતરીના કલાકમાં ચોરીનો ભેદ ઉકેલ કાઢ્યો હતો.પોલીસે પકડી પાડેલા આરોપીઓ પૈકી ચન્દ્રેશ મુળજીભાઇ ચોવટીયા આજ હીરાના કારખાનામાં છેલ્લા ચાર વર્ષથી હીરા શાઇનિંગ મારવાનું કામ કરતો હતો અને તેથી તેને કારખાનાની બધી ગતિવિધિ ખબર હોય તેણે કારખાનામાં ચોરી કરવા માટે આરોપી સુનિલ અને દીપક માલીને ટીપ આપી હતી. અને હીરા તૈયાર કરવા માટે કયા રૂમમાં મૂકવામાં આવે છે તે બધે જ જાણકારી આપી ૧૫ ફેબ્રુઆરીના રોજચોરીનો પ્લાન બનાવ્યો હતો.અને ગઇ તા. ૧૭ ફેબ્રુઆરીના રોજ ત્રણેય બરોડા પાસે ભેગા થઈ ચોરી કરવાનું નક્કી કરી સવારના ૭:૧૫ વાગ્યાના અરસામાં બોઇલ રૂમમાં કે જયા બીકરમાં હીરા તૈયાર કરવા માટે મુકતા હોય તે રૂમમાં બારીવાટે પ્રવેશ કરી હીરા મુકેલ બીકર આખે આખુ ચોરી કરી પોતાની પાસેની કાળા કલરની બેગમા મુકી નાશી છૂટયા હતાં.સુરત ક્રાઈમ બ્રાન્ચ પોલીસે ત્રણે આરોપીઓને ઝડપી પાડી તેમની પાસેથી ૪૮,૨૨ લાખ રૂપિયાનો ચોરીનો તમામ મુદ્દામાલ કબજે કરી આગળની કાર્યવાહી હાથ ધરી છે.