Surat Channel 
સુરત પોલીસ તંત્રના ઝોન ૧ ઍલસીબી શાખા દ્વારા છેલ્લા ચાર વર્ષથી કડોદરા જીઆઈડીસી પોલીસ મથકમાં નોધાયેલા છેતરપિંડીના ગુનામાં નાસતા ફરતા આરોપીને સહારા દરવાજા પાસેથી ઝડપી પાડ્યો હતો.
સુરત પોલીસ દ્વારા નાસતા ફરતા આરોપીને પકડવા માટે કાર્યવાહી શરૂ કરી છે. પોલીસ તંત્રની મહત્ત્વની શાખાઓ આ કામમાં લાગી ચૂકી છે. તે દરમિયાન ઝોન ૧ ઍલસીબી શાખા પેટ્રોલીંગમાં હતી ત્યારે પોલીસને બાતમી મળી હતી કે કડોદરા જીઆઈડીસી પોલીસમાં ચાર વર્ષ પહેલા નોધાયેલા છેતરપિંડીના ગુનામાં વોન્ટેડ આરોપી સહારા દરવાજા પાસે ફરી રહ્ના છે. આ હકીકતના આધારે ઍલસીબી શાખાઓ વોચ ગોઠવી સહારા દરવાજા નવા કમેલા સ્થિત સંજયનગર ઝૂંપડપટ્ટીમાં રહેતો ૪૭ વર્ષીય જાવેદ અબ્દુલ સત્તાર શેખને ઝડપી પાડ્યો હતો. પોલીસે તેની પુછપરછ કરતા પલસાણા તાલુકાના વરેલી ગામમાં રહેતા રામારામ મુપારામજી જીવાજી ઘાંચીઍ પોતાની જીજે-૧૯-ઍક્સ-૪૩૦૫ નંબરના બોલેરો પીકઅપ ગાડી અને જીજે-૧૯-ઍક્સ-૫૮૮૫ નંબરનો આઇશર ટેમ્પો બચત ઉપર આપ્યો હતો. પરંતુ જાવેદે બંને ગાડીઓ પોતાના મિત્રો સાથે મળી બચત પર લીધા બાદ પરત આપી ન હતી અને બંને ગાડીઓ સગેવગે કરી દીધા હોવાની કબુલાત કરી છે. હાલ ઍલસીબી શાખાઍ આગળની તપાસ કડોદરા જીઆઈડીસી પોલીસને આપી છે. પકડાયેલો આરોપી રીઢો ગુનેગાર છે. અગાઉ સલાબતપુરા, નવસારી, વાપી, વલસાડ, નાની દમણ પોલીસ મથકમાં દારૂ, છેતરપિંડી અને ચોરીના ગુનામાં પકડાઈ ચુક્યો છે.
