સ્વામિ વિવેકાનંદ નેત્ર મંદીર ટ્રસ્ટ દ્વારા ૨૭ દર્દીઓના વિનામુલ્યે મોતિયાના ઓપરેશન કરાયાં

ઉધના દરવાજા સી.બી.સેન્ટરમાં આવેલી સ્વામિ વિવેકાનંદ નેત્ર મંદીર ટ્રસ્ટ દ્વારા તા.૨૩મી નવેમ્બરના રોજ વિનામુલ્યે ૨૭ લાભાર્થીઓના મોતિયાના ઓપરેશન કર્યા હતા.

આ માટે આ સંસ્થાઍ ૨૦મી નવેમ્બરના રોજ વિનામુલ્યે આઇ ચેક અપ કેમ્પનું આયોજન કર્યુ હતુ. જેમાં ૧૪૭ જેટલાં લાભાર્થીઓઍ લાભ લીધો હતો. ત્યારબાદ તેમાંથી ૫૪ જેટલાં લોકોને પડદાની , ઝામરની તેમજ આંખની તપાસ કરવામાં આવી હતી. તેમાંથી ૨૭ લોકોના મોતિયાના ઓપરેશન કરવામાં આવ્યા હતા. આમ આ સંસ્થાઍ બિન જરૂરી આંખના અંધાપાને વિશ્વમાંથી દુર કરવાના સેવાકીય નેત્રયજ્ઞ હેઠળ સુરત જીલ્લાના વિવિધ ગામોમાં નેત્ર કેમ્પનું આયોજન કર્યુ છે. લોકોને આ કેમ્પ થકી લાભ મળે તેવી વ્યવસ્થા કરવામાં આવી છે.